Kryebashkiaku i Kuçovës, Kreshnik Hajdari është paraqitur sot në SPAK i shoqëruar nga avokati i tij, Theodhori Sollaku.
Një ditë më parë Komsioni Qendror i Zgjedhjeve vendosi të mos i heqë mandatin Kreshnik Hajdarit, i cili nuk kishte dekluar në formular një dënim nga gjykata e Janinës për kalimin e paligjshëm të kufirit në Greqi, kur ishte i mitur.
Drejtësia greke i përcolli pak ditë më parë ministrisë sonë të Drejtësisë një vendim që faktonte se kryebashkiakut i Kuçovës, Kreshnik Hajdari është dënuar nga gjykata e Janinës, ndërkohë që në formularin e vetëdeklarimit ka thënë se nuk është i dënuar. Gjykata në Janinë e ka gjetur fajtor Hajdarin për hyrje në territorin grek në mënyrë të paligjshme dhe e ka dënuar në 23 qershor të vitit 1999 me “masë riedukuese të qortimit”, pasi në atë vit kryebashkiaku ka qenë vetëm 17 vjeç.
[video width="848" height="480" mp4="https://cdnimpuls.com/lapsi.al/wp-content/uploads/2023/11/WhatsApp-Video-2023-11-15-at-10.56.35-1.mp4"][/video]
