Çështja e burgosjes së kryebashkiakut të zgjedhur të Himarës Fredi Beleri është shndërruar, nga një problem personal mes Ramës dhe homologut të tij Mitsotakis në një pengesë për rrugën e Shqipërisë drejt BE-së.
Fillimisht, ishte gazeta greke Kathimerini ajo që lajmëroi javën e shkuar se Athina ka bllokuar hapjen e pesë kapitujve të parë të negociatve me Shqipërinë, ku përfshihen edhe kapitujt për drejtësinë dhe sistemin gjyqësor. Tani është media evropiane e atashuar në Bruksel, Euraktiv që konfirmon të njëjtën gjë, nga burime të saj pranë komisionit evropian.
Lexo me tej:
Athina: Beleri, pronat dhe regjistrimi i popullsisë pengojnë rrugën drejt BE
Deri këtu nuk kishte diçka të re.
Që gjatë samitit të procesit të Berlinit në mes të tetorit, kryeministri grek Mitsotakis e pati paralajmëruar se do ta bllokonte hapjen e kapitujve të parë, nëse së paku Beleri nuk lejohet të betohej qoftë edhe si i burgosur. Por Edi Rama u përgjigj: “....po na largoi Beleri nga BE, nami u bëftë…”.Shikoini keto qëndime në videon (poshte) koment nga Andi Bushati...
