Pas barazimit pa gola me Ishujt Faroe, mesfushori i Kombëtares, Nedim Bajrami foli për mikrofonin e “TV KLAN".
“Vuajtëm sepse nuk kishim hapësira, ata mbrojtën shumë mirë. Patë raste, por duhet të ishim më të qartë. Rëndësi ka që u kualifikuam dhe zumë vendin e parë. Ishin më kompakt mbrapa ata. Ne duhet të ishim më të qetë me topin. Duhet të punojmë dhe të shikojmë përpara.
Kemi akoma punë deri në Gjermani. Me Silvinjon kemi bërë punë shumë të mirë dhe jemi skuadër shumë e fortë. E rëndësishme është të festojmë”, u shpreh Bajrami.
