Një 18-vjeçar është gjetur pa shenja jete ditën e sotme në Qendrën Rezidenciale të Zhvillimit në Berat. Mësohet se i riu u pranua në këtë qendër në muajin qershor, pasi dyshohet se vuante nga probleme të shëndetit mendor. 18-vjeçari nga Kavaja është gjetur pa shenja dhune në trup.
Njoftimi i policisë:
Sot, rreth orës 12:00, në Qendrën Rezidenciale të Zhvillimit, Berat, nga personeli i kësaj qendre është gjetur pa shenja jete dhe pa shenja dhune, shtetasi S. Ll., 18 vjeç, banues në Kavajë, i cili vuante nga probleme të shëndetit mendor. Ky shtetas, në muajin qershor 2023, është pranuar për trajtim pranë kësaj qendre, me vendim të Komisionit Qëndror për Vlerësimin e Nevojave të Personave me Aftësi të Kufizuara Tiranë, duke qenë se vuante nga probleme të shëndetit mendor. Grupi hetimor po kryen veprimet për sqarimin e plotë të rrethanave të rastit.
