Shumë media shqiptare u mbushën me tituj se një organizim i përvitshëm i shqiptarëve të Nju Jorkut, me emrin pompoz "Nëntori i shqiptarëve", kishte dekoruar diplomatin amerikan Richard Grenell. Ironia ishte se ai po dekorohej me “çmimin e mirënjohjes”, si një njeri që ka mbështetur Kosovën dhe Shqipërinë.
Por Riçard Grenell nuk ka bërë gjë për ta merituar këtë motivacion. Ai jo vetëm që nuk e dënoi sulmin terrorrist, jo vetëm që nuk e dënoi shpalljen e zisë kombëtare në Serbi nga Beogradi zyrtar, por ai këmbënguli se serbëëve të shtypur të veriut u takon të vetëmbrohen.
Dhe nuk kishte si të ndodhte ndryshe. Presidenti Serb Aleksandar Vuçiç, në shkurt të këtij viti e dekoroi Grenellin si një nga diplomatët e vetëm që i ka dalë në mbrojtje Serbisë. Grenell ka qenë një diplomat i implikuar në shkëmbimin e territoreve dhe në ndarjen e Kosovës. Ai ishte njeriu që i përdori interesat e saj në funksion të fushatës elektorale të Donald Trampit. Ai organizoi grushtin politik të shtetit që organizoi për rrëzimin e qeverisë së zgjedhur demokratikisht me kryeministër Albin Kurtin. Ai e kërcënoi Kosovën me braktisje nga perëndimi…Pra ia vlente një vlerësim i shqiptarëve për të, në ditën e 28 nëntorit? Shikoni poshtë komentin video...
Për më shumë video si kjo poshtë bëjini një like faqes Lapsi Videos në Facebook ◊
