Legia Varshavë nuk arriti të merrte rezultat pozitiv në shtëpinë e Aston Villa, por Ernest Muçi i tronditi për të dytën ndeshje radhazi anglezët. Sulmuesi i kombëtares shënoi golin e vetëm të polakëve, në humbjen 2-1 ndaj Villians. Muçi kishte shënuar dygolësh edhe në ndeshjen e parë të fituar nga Legia në Poloni. Këtë herë Aston Villa arriti të merrte fitoren, që i lë në krye të grupit E. 12 pikë për Unai Emery e 9 për Legia.
Në Villa Park, Diaby shënoi golin e avantazhit për anglezët në minutën e 4'. Muçi iu përgjigj në minutën e 20' me një gol fantastik, që barazoi rezultatin dhe frikësoi Villians. Megjithatë, në minutën e 58' Moreno riktheu vendasit në avantazh. Tani Legia duhet të mos humbasë në ndeshjen e fundit me AZ Alkmaar që është 3 pikë pas tyre, për tu kualifikuar.
U luajtën mbrëmjen e sotme 6 sfidat e parafundit në grupet e Ligës së Konferencës, ku u shënuan në total plot 22 gola. Padyshim që surpriza më e madhe e mbrëmjes së sotme, ishte disfata 6-1 e gjigantëve të Fenerbahçe ndaj Nordjeland. PAOK mposhti 1-2 gjermanët e Eintracht Frankfurt.
Lexo më tej: Koliçi gabon, Ballkani fundoset në Tiranë: Plzen fiton 0-1, por Daja mund ende të kualifikohet në Conference
Raundi i pestë i Grupit F të Conference League i buzëqesh Fiorentinës, që mundi 2-1 Genk dhe kalon në fazën me eleminim direkt. Kayembe e zhbllokoi takimin në minutën e 45', ndërsa Martinez Quarta u kundërpërgjigj menjëherë më pas. Në minutën e 82', Nico Gonzalez u kujdes të shënonte penalltinë e fituar nga Kayode dhe e çoi ekipin e tij në 11 pikë, dy më shumë se Ferencavaros. Hungarezët fituan në minutën e 98' në Serbi ndaj Cukaricki. Në rast barazimi apo fitoreje në raundin e fundit ndaj hungarezëve, Fiorentina do të shkojnë direkt në fazën me eleminim direkt.
NDESHJET E MBRËMJES NË CONFERENCE LEAGUE
Conference League Group B
Breidablik 1-2 Maccabi Tel Aviv
Gent 4-1 Zorya
Conference League Group E
AZ Alkmaar 1-0 Zrinjski Mostar
Aston Villa 2-1 Legia Warszawa
Conference League Group F
Cukaricki 1-2 Ferencvaros
Fiorentina 2-1 Genk
Conference League Group H
FC Nordsjaelland 6-1 Fenerbahce
Spartak Trnava 1-2 Ludogorets Razgrad
Conference League Group G
HJK Helsinki 2-2 Aberdeen
Eintracht Frankfurt 1-2 PAOK FC
