Të shtëna me armë zjarri janë regjistruar këtë mbrëmje në Lezhë. Raportohet se ka mbetur viktimë Eno Nikulaj, djali i xhaxhait të Ardjan Nikulajt. Eno Nikulaj u qëllua te Porta e Ujësjellësit të Lezhës.
Ai ishte nipi i Ardjan Nikulaj që u ekzekutua më 19 prill të këtij viti në lokalin e tij në Shëngjin. Nikulaj ka ndërruar mbiemrin pasi në të shkuarën ka pasur atë 'Marku'. Biznesmeni i njohur në Lezhë, në të shkuarën ishte edhe ish-kreu i Aluznit e në të shkuarën ka qënë i dënuar për disa vepra penale. Ai rezultonte i dënuar me 4 muaj burg, për prodhim dhe mbajtje të armëve luftarake dhe municioneve dhe për 'armëmbajtje pa leje'. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit.
