Ish kryeministri Sali Berisha foli sot konferencë për reagimin e ministrit të Brendshëm, Taulant Balla, ku ky i fundit tha se deputetët e opozitës rrezikojnë deri në 5 vite burg për kaosin e shkaktuar në Kuvend.
Berisha tha se opozita nuk do të dekurajohet nga paralajmërimet e ministrit Balla për aktet e ndodhura në Parlament. Ai e akuzoi ministrin si simboli i krimit në qeveri.
"Asgjë nuk e dekurajon opozitën. Taulant Balla është simbol i krimit në qeveri, është ikona e zezë e trafiqeve. Është përfaqësuesi më i shëmtuar i grupeve më të rrezikshme kriminale të Shqipërisë, me dokumente.
Kurse mosbindja civile në parlament është mënyra se si opozita po i përgjigjet grushtit të shtetit brenda shtetit nga puçisti Edi Rama.", tha Berisha.
