Një shqiptar dyshohet se ka rënë në pranga nga policia greke, pasi mësohet se ishte në kërkim pas një urdhër arresti evropian.
Sipas raportimeve nga mediat e huaja, bëhet me dije se shtetasi në fjalë ishte në pritje të një dënimi shumë vjeçar, prej 20 vitesh, për shkelje të legjislacionit të drogës.
Policisë greke ka njoftuar se ai është arrestuar në pikën kufitare të Kakavijës, ndërsa do të dërgohet në Prokurorinë e Apelit të Janinës.
Njoftimi i Policisë greke:
Një i huaj është arrestuar në Kakavi me urdhër-arresti europian. Ndaj tij ishte në pritje një dënim shumëvjeçar.
Një i huaj është arrestuar mesditën e djeshme (9.12.2023) në pikën kufitare të Kakavisë nga punonjës policie të Departamentit përkatës të Kontrollit të Pasaportave, ndaj të cilit ishte në pritje një urdhër arresti europian nga autoritetet italiane, sipas të cilit ishte dënuar me 20 vite burg për shkelje të legjislacionit të drogës.
I arrestuari do të dërgohet në Prokurorinë e Apelit të Janinës.
