Presidenti i Rusisë, Vladimir Putin mori pjesë në një ceremoni televizive të ngritjes së flamurit të hënën për dy nëndetëset bërthamore që ai tha se ishin pjesë e një përpjekjeje strategjike për të projektuar fuqinë detare ruse.
Putin udhëtoi në qytetin verior të Severodvinsk për të parë anijet, Krasnoyarsk dhe Perandorin Aleksandër të Tretë, në kantierin e ndërtimit të anijeve Sevmash, shkruan Reuters.
Ai tha se të dyja anijet me energji bërthamore do të fillojnë së shpejti detyrën në Paqësor, duke theksuar se ato ishin pjesë e dy serive të veçanta të nëndetëseve që Rusia po nxjerr.
“Ne do të forcojmë në mënyrë sasiore gatishmërinë luftarake të marinës ruse, fuqinë tonë detare në Arktik, Lindjen e Largët, Detin e Zi, Detin Baltik dhe Detin Kaspik – zonat më të rëndësishme strategjike të oqeaneve të botës,” theksoi Putin
