Princi Louis (djali i William dhe Kate) duket se ka rënë viktimë e një dështimi të Photoshop në kartolinën e Krishtlindjeve të familjes mbretërore të këtij viti. Fansat vunë re se 5-vjeçarit i mungon gishti i mesit në dorën e tij të mbështetur në karrigen e motrës së tij, Princeshës Charlotte. Në vend të kësaj, mund të shihen vetëm gishtat tregues dhe ai i unazës.
“Gishti i Princit Louis mungon. Gjithashtu ata kanë fotoshopuar edhe këmbën e dikujt tjetër në të tijën. Unë shpresoj që taksapaguesit të mos e paguajnë atë”, - shkroi në Twitter një fans.
“Gishti i mesit i princit Louis mungon dhe këmbët e tij duken të çuditshme” - vuri në dukje një tjetër.
“A janë të vërtetë fëmijët e Princit William apo janë të rremë? Pse Louis nuk ka një gisht dhe të dyja këmbët nuk duken të ngjashme” – shkruan një tjetër.
“A morën me qira William dhe Kate një fëmijë? Çfarë po ndodh? Po përpiqem të zbuloj a e kanë fotoshopuar të gjithë foton. Kam nevojë për përgjigje” – shkruan një tjetër.
Një vëzhgues tjetër thotë se gishti i Louis "u amputua" në "procesin e rëndë të redaktimit". Familja prej 5 anëtarësh, e cila përfshin gjithashtu Princin George, 10 vjeç dhe Princeshën Charlotte, 8 vjeç shihet me rroba të bardha.
Princesha e Uellsit, 41 vjeç dhe vajza e saj kishin veshur xhinse për foton, ndërsa dy djemtë dhe babai i tyre mbanin pantallona të zeza. Kartolina e Krishtlindjes e familjes mbretërore u publikua menjëherë pas publikimit të librit "Endgame" të gazetarit Omid Scobie, i cili shkaktoi mjaft polemika. ©LAPSI.al
