Ndryshimet në rregulloren e Kuvendit të propozuara nga Partia Socialiste janë miratuar në Këshillin e Mandateve.
Maxhoranca miratoi seancën e kaluar më 7 Dhjetor futjen me procedurë të përshpejtuar të ndryshimit të Rregullores së Kuvendit, pas kaosit të krijuar nga deputetët e opozitës, të cilët hodhën tymuese e shashka gjatë votimit të buxhetit 2024.
Lexo më tej: Degradimi i parlamentit/ Gati rregullorja që flak opozitën jashtë sallës
Ndryshimet në rregullore parashikojnë ashpërsimin e masave për deputetët të cilët bllokojnë punimet e Kuvendit. Deri më sot dënimi maksimal është 10 ditë, ndërkohë që PS kërkon që ky dënim të behet deri në 60 ditë.
Gjatë mbledhjes në Këshillin e Mandateve nuk ishte i pranishëm asnjë deputet i opozitës. Ndryshimet në rregullore do të votohen në Kuvend të enjten gjatë seancës parlamentare.
