Këshilli i Mandateve ka miratuar unanimisht sot kërkesën e Prokurorisë së Posaçme për arrestimin e kryetarit të Partisë Demokratike Sali Berisha.
Kërkesa e SPAK u miratua nga anëtarët e pranishëm në mbledhje me 6 vota pro dhe asnjë kundër. 5 vota ishin të deputetëve të PS dhe 1 ishte vota Enkelejd Alibeaj.
Nuk është se pritej ndonjë gjë ndryshe, PS mezi e kishte pritur këtë moment për t'i hapur rrugë arrestimit të Berishës. Po kështu edhe kundërshtarët e tij brenda PD-së, në këtë rast grupimi i Lulzim Bashës, i përfaqësuar nga Enkelejd Alibeaj, të cilin shpesh Berisha i është referuar si "Alibasha".
Raporti i Këshillit të Mandateve do t'i dorëzohet Kuvendit për shqyrtim në seancën e 21 dhjetorit, si rend i parë i ditës.
