Fillimisht “përpjekja e fundit, e dëshpëruar” për të “kontaktuar me të atin”. Më pas duke parë se ai “zgjodhi edhe një herë të mungonte”, vendosi ta denonconte për shkelje të detyrimeve të kujdesit familjar. Kjo është lëvizja e fundit e Annie, 21 vjeçe, studente universiteti në Milano dhe vajza natyrale e Samuel Eto'o. Ajo është lindur nga një grua që jeton ende në Sardenjë, me të cilën kamerunasi kishte një lidhje jashtë martesës.
Ankimi, që u publikua në La Repubblica, daton në 13 tetor dhe është depozituar nga avokati i Venecias Daniele Vianello në zyrat e prokurorisë së Milanos. Në dokument avokati kujton procedimin penal dhe civil nga i cili rezulton se ish-lojtari kamerunas i Inter, pavarësisht dënimit (i konfirmuar në apel në 2015 dhe më pas përfundimtar), me të cilin u detyrua të paguante 10 mijë euro për mirëmbajtjen e vajzës, i ishte shmangur gjithmonë detyrimeve prindërore.
Lexo më tej: Letër e klubeve të Kamerunit te Fifa: akuza të rënda për presidentin Samuel Eto'o
E pastaj vajza “jo (...) e pavarur ekonomikisht” dhe “studente larg shtëpisë”, mbahet nga nëna e saj, e cila “me vështirësi arrin” t’i garantojë “një jetë dinjitoze për të”. Vajza me të cilën ish-golashënuesi “nuk ka dashur të ketë kurrë lidhje” - lexohet sërish në denoncim - ka krijuar kështu një “situatë të brishtë psikologjike”, pasi i mungonte “figura e babait”, “si dhe gjendja e saj e vështirësisë ekonomike". Pavarësisht kësaj, “ulërima e dhimbjes së vajzës nuk pati efekt”. Nga këtu ka ardhur vendimi i Annie për të denoncuar babanë e saj.
