Trofeu i tretë i Superkupës për Partizanin, që mposhti 1-0 Egnatian në Arena Kombëtare. Kampionët e Shqipërisë imponohen në rezultat, por jo në lojë, kundër fituesve të Kupës. Vendosi një gol i Rrapaj, pas një gabimi katastrofik të portierit Alen Sherri. Për Topin e Artë shqiptar ishte një lojë fëmijësh të shënonte pas pasimit të marrë nga portieri kundërshtar. Episodi që mund të ndryshonte ndeshjen ishte penalltia që, Fernando, lojtari më i mirë i rrogozhinasve, e gaboi në mënyrën më flagrante të mundshme.
GAFA SKANDALOZE
Paulauskas në minutën e 9' solli rrezikun e parë në portën e Qirkos, edhe pse Abilaliaj nuk kishte hequr dorë nga tridhëmbëshi ofensiv. Cara u mundua të merrte më shumë përsipër, Bintsouka vuante të imponohej në zonë, por Partizani dukej më në kontroll të lojës. Egnatia me Zejnullahin dhe Spahiun ndërtonte aksione në shpejtësi, në atë që ishte një ndeshje e ekuilibruar dhe që u zgjidh nga një epidod. Në minutën e 37' Sherri gaboi plotësisht pasimin duke e dorëzuar topin te Rrapaj, që me portën e boshatisur shënoi golin e avantazhit. Në shtesën e pjesës së parë erdhi dhe rasti më i mirë për Egnatian, por goditja me kokë e Xhemajlit u ndal në vijë nga Qirko, fantastik në këtë rast.
[video width="1280" height="714" mp4="https://cdnimpuls.com/lapsi.al/wp-content/uploads/2023/12/goli.mp4"][/video]
Lexo më tej: Largim me SMS dhe prapaskena e motivit: Da Silva rebeli i padëshiruar nga Abilaliaj
PANENKA E DËSHTUAR
Egnatia e nis me një marsh më shumë, duke qenë e detyruar të ndryshonte rezultatin. Tetova shtyn të tijtë përpara, Spahiu është i inspiruar por Fangaj në të 56' nuk e ndoqi aksionin premtues. Abilaliaj ndryshon, duke hedhur në fushë Murataj e Keko për Taipin e Rrapaj, por presioni i Egantias është asfiksues. E në minutën e 70' një kontakt mes Hadrojit e Spahiut kishte nevojë për ndërhyrjen e VAR që Jorgji ta jepte penallti. Fernando guxoi me panenka, por konkluzioni ishte skandaloz me topin që iu dorëzua në duar Qirkos. Egnatia provon në sforcon e fundit, duke rrezikuan me Paulauskas dhe Lemine, të ndalur nga Qirko. Rasti i vetëm i Partizanit në pjesën e dytë ishte goditja e Mensah, por në fund të kuqtë iu gëzuan trofeut. I pari për Arbër Abilaliaj në rolin e drejtorit sportiv dhe si trajner, i treti për Partizanin.
[video width="1280" height="714" mp4="https://cdnimpuls.com/lapsi.al/wp-content/uploads/2023/12/penalltia.mp4"][/video]
