Ish-kryeministri Sali Berisha ka pasur një ditë të gjatë këtë të enjte. Megjithatë duke dalë nga selia e PD-së rreth orës 21.00 ai tha se pavarësisht kësaj, “energjia e tij është e mjaftueshme për të vazhduar këtë ditë”. Pas mbledhjes së Kuvendit ku iu hoq imuniteti dhe protestës së zhvilluar para parlamentit, Berisha mblodhi në mbrëmje kryesinë e partisë.
Pas mbledhjes, ai komentoi heqjen e imuniteti të deputetit, ku sulmoi kryeministrin Edi Rama ku tha se asnjë vendim i gjykatës nuk mund të realizojë ëndrrat e kreut të qeverisë. Ish-kryeministri tha se data 27 dhjetor kur do të jepet vendimi për vulën e PD-së nga gjykata e lartë, do të jetë ditë proteste.
“Asnjë vendim i gjykatës nuk mund të realizojë ëndrrat e Ramës. Do i qëndroj përballë deri në gjunjëzimin e tij. Ai është frikacak, por ju garantoj që do përfundojë atje ku e meriton. Si mund të jem i kënaqur unë që Partia është në këmbë. Ju kujtoj se data 27 është ditë proteste.
Për sa i përket mbledhjes u diskutuan për disa çështje organizative në mënyrë që të rikonstruktohet sektori i ri i riorganizimit. Do krijohen edhe disa koordinatorë që do merren me organizimin e partisë”, - u shpreh Berisha.
“Grupi i deputetëve të Gazment Bardhit janë deputetë të PD dhe në çdo hap të saj, kanë rolin e tyre dhe do ta kenë rolin. Natyrisht të gjitha do të bëhen në bashkëpunim, me të gjithë faktorët drejtues të partisë” – tha Berisha. ©LAPSI.al
https://lapsi.al/2023/12/21/si-do-te-qe-arrestimi-i-berishes-nese-do-ishim-nje-vend-i-lire/?fbclid=IwAR0uNZ1Uw1Fq2DaEdKHB3-iZkbqyMwQQaJjJbwdjVQatfeAnfZUJKmb6wnY
