Një 42-vjeçar është arrestuar nga policia e Tiranës pasi u kap teksa lëvizte me armë në qytet. Në pranga ka rënë shtetasi me iniciale M.H i dënuar më parë për armëmbajtje pa leje. Gjatë kontrollit të bërë nga forcat "Shqiponja", 42 vjeçarit iu gjet një pistoletë të cilën e mbante me qëllim shitjen ndaj personave të tjerë.
Në kuadër të operacionit 'Transportuesi', policia sekuestroi krehërin e pistoletës dhe municionin luftarak që mbante me vete i arrestuari. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
