Pas injorimit të banderolës së protestës kundër Super League ("Ganatelo en el campo", ose "meritoji kupat në fushë"), Real Madrid merr një fitore të çmuar në javën e 18 të La Liga. Merengues, me dhjetë lojtarë për të kuqin e Nacho, mundën Alaves 1-0 falë Lucas Vazquez (92'). Ancelotti e mbyll kështu vitin 2023 në krye të renditjes, duke arritur Girona në kuotën e 45 pikëve. Michel dhe ekipi i tij u ndaluan në barazim 1-1 nga Betis. Cadiz-Real Sociedad përfundoi 0-0, ndërsa Mallorca fitoi 3-2 ndaj Osasuna.
ALAVES-REAL MADRID 0-1
Lucas Vazquez bën të buzëqeshë teknikun Carlo Ancelotti, i cili mposhti Alaves (1-0) me dhjetë lojtarë dhe rikthehet në krye të La Liga në javën e fundit të 2023, duke arritur Girona me 45 pikë. Të gjitha skuadrat në fushë sot pozuan para banderolës kundër Super League, përveç padyshim Real Madrid, promotor i turneut bashkë me Barçën. Pas këtij momenti tensioni, me disa pakënaqsi në tribunat e Mendizorrotza, merengues e nisën shumë fort dhe shkuan pranë golit me Valverde. Në minutat në vijim ritmi i Alaves u rrit, duke e detyruar Kepa të bënte pritje të rëndësishme. Emocionet vijuan deri në fishkëllimën e fundit të pjesës së parë, me goditjen e Omorodioni për vendasit dhe shansin për Valverde, të neutralizuar nga Sivera.
Në pjesën e dytë, erdhi episodi që mund të kthente ndeshjen. Nacho bëri një ndërhyrje vrasëtare në kaviljen e Samu Omorodioni. Arbitri shqyrtoi gjithçka në VAR dhe nuk mund të shmangte përjashtimin. Kështu, Blancos mbetën me dhjetë lojtarë në minutën e 54' dhe Tchouameni hyri në fushë si qendërmbrojtës, duke pasur parasysh emergjencën në mbrojtje. Alaves nuk e shfrytëzoi këtë dhe, në fakt, rrezikoi në dy raste në goditjet e Rodrygo. Vendimtar megjithatë ishte Lucas Vazquez. Mbrojtja rivale e harroi në një goditje këndi dhe anësori, pavarësisht 173 cm, shënoi me kokë golin e fitores. Ancelotti feston në minutën e 92' tre pikë shumë të rëndësishme, që e bashkojnë me Girona me 45 pikë. Dyshja e çuditshme e mbyll vitin në krye të La Liga, ndërsa Alaves ndalon në 16 dhe ruan një avantazh +3 ndaj Celta e treta nga fundi.
LaLiga Spain
Cadiz 0-0 Real Sociedad
Real Betis 1-1 Girona
Deportivo Alaves 0-1 Real Madrid
Mallorca 3-2 Osasuna
