Avokati Genc Gjokutaj e ka cilësuar si të pabazuar në ligj kërkesën e SPAK që Berisha të qëndrojë nën masën e arrestit të shtëpisë, nën mbikqyrje policore.
Në fund të sencës së sotme në GJKKO, Gjokutaj përsëriti qëndrimin e mbrojtjes për përjashtimin e gjyqtares Irena Gjoka nga seanca, pasi sipas tyre qëndron në kushtet e konfliktit të interesit.
“Seanca kishte të bënte për kërkesën e SPAK për zëvendësimin e masës në arrest shtëpie. Që në fillim ne kërkuam që të jepte dorëheqje gjyqtarja. Ajo nuk u shpreh, as pro dhe as kundër. Kishim dorëzuar kërkesën me të gjitha provat që provojnë faktin zoti Berisha ka qenë kryetar i KLD. Vijoi seanca deri në momentin kur shteroi biseda. Seanca u shty. Dua të denoncoj në paligjshmëri, se masa ‘arrest shtëpie’ me mbikëqyrje policore. Do të paraqitemi dhe nesër."- Genc Gjokutaj.
