Ushtria amerikane deklaroi se rrëzoi 12 dronë, tre raketa balistike dhe dy raketa ofensive, pas sulmit tokësor nga rebelët Houthi të Jemenit, të mbështetur nga Irani.
”Nuk ka pasur dëmtime në anije në zonë dhe nuk ka raportime për të lënduar”, deklaroi ushtria amerikane.
Grupi Houthi ka kërcënuar në mënyrë të përsëritur se do të synojë anijet në pronësi ose të operuara nga kompanitë izraelite, në solidaritet me Palestinën, dhe u ka kërkuar vendeve që të tërheqin qytetarët e tyre që punojnë në ekuipazhet e këtyre anijeve.
