Si në plot raste të tjera edhe sot Edi Rama është kapur duke gënjyer pasi gazetarët e pyetën për aferën e re të Ilir Beqajt.
I zënë ngushtë nga batuta që ka thënë vetë dikur për lidhjen mes gjatësisë së personit dhe hajdutërisë, Rama i tha gazetarit Osman Stafa se Ilir Beqaj nuk është nën hetim për korrupsion, por për shpërdorim detyre.
Kjo është e pavërtetë pasi në dosjen që ka siguruar Lapsi.al, ish shoku i tij basketbollist po hetohet për korrupsion. Më konkretisht janë 3 akuza penale siç mund të shihet edhe në faksimilen që sjell Lapsi.al.
Korrupsion pasiv i personave që ushtrojnë funksione publike.
Korrupsion aktiv i personave që ushtrojnë funksione publike.
Refuzimi për deklarimin, mosdeklarimin, fshehja ose deklarimi i rremë i pasurive, interesave privatë të personave të zgjedhur dhe nënpunësve publikë ose i çdo personi tjetër që ka detyrimin ligjor për deklarim.
Siç Lapsi.al ka raportuar ekskluzivisht një ditë më parë, Beqaj dhe njerëzit e tij të afërt kishin ngritur një skemë zhvatje përmes faturave fiktive nga projektet e BE. Sot ne raportuan një pjesë të përgjimeve të siguruara nga SPAK për personat nën hetim. Personi kyç i aferës është bashkëpunëtori i afërt i Beqajt, Ermal Kurtulaj. ©LAPSI.al
