Një sherr momental mes dy personave në Kurbin ka degraduar në përdorimin e armës së zjarrit.
Mësohet se dy persona gjatë natës janë zënë në fshatin Malbardhë. Pasi sherri degradoi në përdorimin e armës, 30-vjeçari Admir Lika ka qëlluar më armë zjarri duke plagosur bashkëfshatarin e tij 33-vjeçarin Fatjon Lika.
Plagosja ka ndodhur në ambientet e një lokali në këtë fshat. I plagosuri është dërguar në spitalin e Kurbinit dhe më pas është sjell në Tiranë për të marrë mjekim më të specializuar te Trauma. Ndërkohë që burime jozyrtare bëjnë me dije se autori është shpallur në kërkim nga policia.
