Policia e Shtetit ka vendosur 5 mijë euro shpërblim për çdo person që jep informacion të vlefshëm për kapjen e Saimir Xhafës, autorit të plagosjes në afërsi të Xhamisë Xhura.
Përmes një njoftimi, Policia bën me dije se e kanë identifikuar autorin, i cili sipas tyre është shtetasi Saimir Xhafa dhe po punojnë për kapjen e tij.
Njoftimi i Policisë:
Tiranë-idhur me ngjarjen e ndodhur pak më parë, në afërsi të xhamisë “Xhura”, shërbimet e Policisë pas kryerjes së veprimeve të para hetimore, bënë të mundur identifikimin dhe shpalljen në kërkim të autorit të dyshuar të ngjarjes, shtetasit Saimir Xhafa, i ditëlindjes 04.01.1988, banues në Tiranë.
DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.
