Presidenti i Këshillit të BE-së, Charles Michel do të kandidojë në zgjedhjet për Parlamentin Evropian në qershor dhe do të lërë postin e tij në mes të korrikut nëse zgjidhet, tha ai në një intervistë për gazetën belge De Standaard
“Kam vendosur të kandidoj në zgjedhjet evropiane në 2024”, tha Michel.
Michel, 48 vjeç, është një ish-kryeministër belg dhe ka shërbyer si shef i Këshillit të BE-së, grupi i udhëheqësve qeveritarë të 27 vendeve anëtare të BE-së, që nga fundi i vitit 2019. Ai do të kandidojë si kandidati kryesor për partinë e tij të qendrës së djathtë belge, Lëvizja Reformatore, shkruan De Standaard.
Kjo është hera e parë që një president i Këshillit do të jetë kandidat në zgjedhjet parlamentare europiane. Ndërsa vendimi i Michel është ligjërisht i favorshëm, ky vendim rrit presionin mbi 27 liderët europiane për të emëruar një pasardhës të Michel para mesit të korrikut. Përndryshe, ai rol i shkon liderit të vendit që mban presidencën e rradhës të Këshillit të BE-së, e cila është Hungaria e Viktor Orbanit.
Por mundësia që kjo të realizohet është pothuajse zero, pasi do të ketë një Këshill Evropian joformal më 17 qershor dhe një samit klasik formal që do të pasojë në 27-28 qershor, pra ka dy mundësi për 27 liderët e Evropës që të vendosin për shpërndarjen e vendeve të punës. Michel gjithashtu ka hedhur poshtë kritikat se ai po largohet nga posti i tij në një kohë kur luftërat po "vlojnë" në Ukrainë dhe Rripin e Gazës.
