Lapsi.al siguron një video që dëshmon dhunën e Xhemal Lokës ndaj bashkëshortes së tij, Bedrie Loka, e cila dyshohet se është shtyrë për të kryer vetëvrasje duke pirë fostoksinë pikërisht prej 45-vjeçarit.
Video është xhiruar në shtëpinë e çiftit në Sukth ndërkohë që një prej djemve të mitur e ka filmuar skenën e rëndë.
Pranë dy prindërve shihet djali i madh në përpjekje për të mbrojtur nënën nga dhuna e të atit. Nga sa kuptohet prej videos ka edhe një debat mes bashkëshortëve.
Xhemal Loka: T’i shk*ej robt mu në vorr! A dëgjove oj Bedrie? Nuk fut dot kërkush turinjtë!
Bedrie Loka: Kush është ai që fut turinjtë
Xhemal Loka: As... (një emër që nuk kuptohet) e as kërkush...
Mësohet se prokuroria ka edhe dy video të tjera që dëshmojnë dhunën e Xhemal Lokës ndaj bashkëshortes së tij 41-vjeçare. Fillimisht për Bedrie Lokën u raportuar se kreu vetëvrasje pasi bulizohej dhe denigrohej përmes një llogarie të hapur në Tik Tok nga persona të panjohur. Por më pas policia arrestoi bashkëshortin e saj si person të dyshuar që e shtyu gruan drejt aktit të rëndë. ©LAPSI.al
[video width="480" height="640" mp4="https://cdnimpuls.com/lapsi.al/wp-content/uploads/2024/01/WhatsApp-Video-2024-01-08-at-6.30.40-PM-1.mp4"][/video]
