Tre të rinj kanë shpëtuar mrekullisht pasi u bënë shënjestër e plumbave të një të moshuari. Ngjarja ka ndodhur pak pas mesnatës në lagjen “Rus” në Shkodër. Teksa ndodheshin në rrugë duke biseduar, një i moshuar me iniciale F. H., i armatosur, ka dalë i armatosur nga ballkoni i katit të pestë dhe ka qëlluar drejt tyre. Plumbat nuk kapën asnjërin prej tre të rinjve, ndërsa u dëmtua një automjet i parkuar. Në vendngjarje mbërritën forca të shumta policie duke izoluar zonën për shkak të rrezikshmërisë.
8f25aa5a-1000-4e18-a0fe-44245442cf91 74c9336c-f7fc-49c0-a273-c90ed6736ccc
I moshuari para se të qëllonte mësohet se ka telefonuar policinë duke i kërkuar ndihmë pasi sipas tij jashtë kishte zhurma që po e shqetësonin. Pas pak minutash mori çiften dhe qëlloi në drejtim të të rinjve, kalimtarë të rastit që arritën të shpëtojnë.
Më pas, efektivët i bënë thirrje disa herë që të dorëzohet, por 83-vjeçari nuk pranoi.
Në momentet kur policia i bënte thirrje për t’u dorëzuar, i moshuari mbushte çiften e tij si një shenjë rezistence. Në këto kushte u desh ardhja e forcave të Ndërhyrjes së Shpejtë të cilët nisën një negocim, por sërish 83-vjeçari nuk pranoi të dorëzohej. Pas83-vjeçarit pas arrestimit iu gjet çiftja me të cilën qëlloi në drejtim të tre të rinjve si dhe një armë tjetër automatik kallashnikov që e mbante në shtëpi të cilat u sekuestruan në cilësinë e provës materiale. Çiften deri në vitin 2012 e kishte me leje, ndërsa prej asaj kohe e mbante pa leje në banesë. Ndërkohë mësohet se shtetasi F. H. vuan nga problemet e shëndetit mendor, ndërsa ka edhe disa sëmundje të tjera si dhe ka humbur shikimin tek njëri sy.
