"Një ditë shkova në spital në Londër për të bërë një analizë gjaku dhe vajta në një pavijon që nuk ishte i zakonshmi. Një infermiere më pa, u mendua pak dhe më tha 'A e dini që ngjani si Bruce Willis?'". Vajza e tij Sofia tregon historinë rgëtuese për Gianluca Vialli. "Isha shumë i kënaqur, u lajkatova që dikush e kishte vënë re ngjashmërinë. 'E di, nuk është hera e parë që ma thonë këtë, por shpesh më ngatërrojnë me një trajner dhe ish-futbollist të quajtur Gianluca Vialli'. Infermierja pa fotot e Vialli në Google pastaj tha: 'Jo, jo, dukeni më shumë si Bruce'.
NGJASHMËRIA ME AKTORIN
E bija e ish-kampionit të futbollit Vialli duke lexuar kujtimet e Gianluca Vialli, një vit nga ndarja nga jeta e ish-futbollistit. «Atë ditë reparti im ishte mbyllur. Aty gjeta një infermiere që po përgatitej të më bënte analizën e gjakut», tregoi e bija. «Më pa gjatë, u mendua e pastaj më tha: “A e di që ju i ngjani Bruce Willis?”. Duhet ta pranoj se mu bë shumë qejfi, sepse ndonjëherë, kur dilja me miqtë e mi bëja pikërisht sikur isha aktori i famshëm i Hollywood, por në fund nuk gënjehej askush. Kështu, buzëqesha dhe iu përgjigja: “E di, nuk është hera e parë që ma thonë, por më ngatërrojnë më shpesh me një trajner futbolli, një ish-lojtar italian që quhet Gianluca Vialli».
Lexo më tej: FOTO/ “Luca i kaltër përgjithmonë”: Italia, në fushë me fanellën speciale në kujtim të Vialli
E ndërprerë nga duartrokitjet dhe duke qeshur edhe vetë, Sofia vazhdoi të tregonte historinë e të atit: «Infermierja më pyeti si ta shkruante, mori telefonin e saj, u fut në Google dhe po shihte fotot e mia. Pastaj ia tregoi infermieres tjetër, më panë me kujdes dhe në fund më thanë: "Jo, ju dukeni më shumë si Bruce Willis sesa Vialli".
NËSE PUNON SHUMË, NË FUND BËHESH BRUCE WILLIS
“Në atë moment”, e mbylli mes duartrokitjeve tregimin e lexuar e bija, “mendova se nëse punon shumë gjatë gjithë jetës, nëse bën sakrifica dhe nuk dorëzohesh kurrë, në fund mund të jesh Bruce Willis”. Ky ishte Gianluca Vialli.
