Nesër do të mblidhet grupi parlamentar i PD-së. Mbledhja do të zhvillohet nesër në orën 12:00, në sallën e grupit parlamentar në Kryesi.
Kujtojmë që sot pati edhe një përplasje në distancë mes Gazment Bardhit dhe Lulzim Bashës. Bardhi komentoi konferencën e kreut të PD, duke thënë se po jep leksione boshe, ndërkohë që ka 12 vite që partinë e mban në opozitë.
Kujtojmë që në kampin blu ka përpjekje nga Sali Berisha për të bashkuar opozitën në mënyrë që në zgjedhjet e përgjithshme të vitit të ardhshëm PD-ja dhe partitë e tjera aleate të jenë të unifikuar për të synuar rotacionin politik. Nga bashkimi opozitar janë përjashtuar vetëm dy figura, Lulzim Basha dhe Enkelejd Alibeaj të cilët janë etiketuar nga Rithemelimi si bashkëpunëtorë të Edi Ramës.
