Presidenti amerikan Joe Biden deklaroi të shtunën se SHBA-ja nuk e mbështet pavarësinë e Tajvanit, pas fitores së Lai Ching në zgjedhjet presidenciale. Lai Ching i partisë në pushtet DPP, është i njohur për mbrojtjen e identitetit të veçantë të Tajvanit dhe refuzimin e pretendimeve territoriale të Kinës.
“Ne nuk e mbështesim pavarësinë…”, deklaroi Biden, kur u pyet për zgjedhjet e së shtunës në Tajvan.
Disa orë përpara se të hapeshin qendrat e votimit, Washingtoni kishte paralajmëruar “do të ishte e papranueshme” për “çdo” vend që të ndërhynte në zgjedhje.
Tajvani, një ishull fqinj që Kina pretendon si jo të pavarur, ka qenë një histori suksesi demokratik që nga mbajtja e zgjedhjeve të para të drejtpërdrejta presidenciale në vitin 1996, kulmi i dekadave të luftës kundër sundimit autoritar dhe ligjit ushtarak.
SHBA-ja është mbështetësi dhe furnizuesi më i rëndësishëm ndërkombëtar i Tajvanit me armë, pavarësisht mungesës së lidhjeve zyrtare diplomatike me ishullin.
Sekretari amerikan i Shtetit, Antony Blinken ia uroi fitoren Chingut në zgjedhjet presidenciale.
