Uashingtoni i ka kërkuar Izraelit të ulë intensitetin e sulmeve në Gaza. Duke folur për televizionin CBS, zëdhënësi i Këshillit të Sigurisë Kombëtare të Shtëpisë së Bardhë, John Kirby tha se Shtetet e Bashkuara kanë folur me Izraelin “për një kalim në operacione me intensitet të ulët” në Gaza.
“Ne besojmë se është koha e duhur për atë tranzicion dhe po flasim me ta për ta realizuar këtë”, tha Kirby.
Megjithatë, kryeministri Benjamin Netanyahu është zotuar të vazhdojë përpara me forcë të plotë derisa Hamasi të shkatërrohet dhe të gjithë robërit të lirohen.
“Ne po vazhdojmë luftën derisa të arrijmë të gjitha qëllimet tona: eliminimin e Hamasit, kthimin e të gjithë pengjeve tona dhe sigurinë që Gaza nuk do të përbëjë më kurrë një kërcënim për Izraelin”, tha ai.
