Lapsi Video

Aplikacioni

Android iOS
Flash

Ëndërra për Liverpool, Klopp i gatshëm t'i japë mundësinë Eriksson: "Mund të më zëvendësojë për një ditë"

Lapsi.al 20 January 2024
Ëndërra për Liverpool, Klopp i gatshëm t'i japë
Sven Goran Eriksson trajner i Liverpool, për Jurgen Klopp kjo mund të bëhet. Trajneri suedez i cili së fundmi zbuloi se po lufton me një tumor që do t'i jepte maksimumi një vit jetë, tha se ka qenë gjithmonë tifoz i Reds. Klubi anglez u përpoq të kuptonte se si të organizonte diçka me Legjendat për të lejuar ish-teknikun e Lazios të përmbushte ëndrrën e tij për të drejtuar ekipin e tij të preferuar. Por Jurgen Klopp ka shkuar edhe më tej, duke u shprehur i gatshëm të hapë dyert e studios së tij kolegut ekspert. "Të dëgjoje fjalët e Eriksson dhe dashurinë e tij për Liverpool ishte shumë prekëse - deklaroi trajneri gjerman në konferencën për shtyp -. Nuk e dija që ai kishte qenë tifoz i Reds gjithë jetën e tij. Mund të them vetëm se është i mirëpritur dhe mund të vijë kur të dojë në zyrën time për të bërë punën time për një ditë. Përsa më përket mua nuk ka asnjë problem". Lexo më tej: "Do dëshiroja të drejtoja Liverpool": Reds po mendojnë të përmbushin ëndërrën e Eriksson Tifozët e Liverpool në rrjetet sociale kanë nisur një fushatë për ta parë Eriksson në pankinë për të paktën një herë me Liverpool, ndoshta në Premier League: “Të drejtosh ekipin në anë të fushës mund të jetë më e ndërlikuar – komentoi Klopp –. Por ta kesh këtu dhe t’i tregosh të gjitha ato që ky klub ka ndërtuar ndër vite, mendoj se mund të jetë e shkëlqyer, do të ishin orë të mrekullueshme për të kaluar me ne”.

Të këshilluara

ide

MOTI TIRANA

14°c

KËMBIMI EURO

90.94

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI