Lira Pipa është emëruar zëvendësministre e Ekonomisë, Kulturës dhe Inovacionit. Vendimi është marrë në mbledhjen e sotme të qeverisë.
Kujtojmë se ministria e Ekonomisë, Kulturës dhe Inovacionit është një dikaster i ri i krijuar nga kryeministri Edi Rama, në krye të të cilit u dekretua Blendi Gonxhe. Lira Pipa deri më tani ka punuar te Drejtoria e Përgjithshme e Shërbimeve të Transportit Rrugor, si shefe kabineti e Blendi Gonxhes.
VENDIM PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Lira Pipa emërohet zëvendësministër i Ekonomisë, Kulturës dhe Inovacionit.
Ky vendim hyn në fuqi menjëherë.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
