Lapsi Video

Aplikacioni

Android iOS
Flash

Kushtetuesja i thotë PO Ramës për kampet e refugjatëve

Lapsi.al 29 January 2024
Kushtetuesja i thotë PO Ramës për kampet e refugjatëve
Pas një debati të fortë që ka ndarë në dysh anëtarët e saj, Gjykata Kushtetuese ka vendosur ta konsiderojë të ligjshëm protokollin ndërmjet Këshillit të Ministrave të Republikës së Shqipërisë dhe Qeverisë së Republikës Italiane për ngritjen e kampeve të refugjatëve në Shëngjin dhe Gjadër. Pese gjykatës votuan pro marrëveshjes dhe katër kundër, lidhur me ankesën që bënë përfaqësuesit ligjorë të grupit prej 30 deputetësh të PD. Protokolli i nënshkruar mes Ramës dhe Melonit ka ngritur shumë, pikpyetje, së pari për sovranitetin e vendit. Në zonat me ekseritorialitet do të veprojë ligji italian, monedhat e huaja mund të lëvizin pa kontroll, madje dhe lejet e ndërtimit për strukturën që do presi refugjatë, nuk do të jepen nga autoritetet vendase. Pra problemi i parë ishte nëse kjo marrëveshje cënon sovranitetin. Dhe i dyti se për të tilla akte duhet të japë leje presidenti i republikës, gjë që nuk ndodhi, sepse Rama e kreu procedurën në fshehtësi të plotë. Por, për këto dilema shumica e gjykatësve kushtetues kanë pasur mendimin se sovraniteti nuk cënohet. Ata janë shprehur se Protokolli për Migracionin nuk përbënte një marrëveshje ndërkombëtare që lidhej me territorin . "Gjykata Kushtetuese e analizoi konceptin “marrëveshje ndërkombëtare që ka të bëjë me territorin”  në dy aspekte: aspekti fizik; dhe aspekti juridiksional të lidhur me sovranitetin. Së pari, ajo vlerësoi se Protokolli për Migracionin nuk cakton kufij territorialë dhe as nuk ndryshon integritetin territorial të Republikës së Shqipërisë, ndaj ai nuk përbën marrëveshje që ka të bëjë me territorin në aspektin fizik. Së dyti, Gjykata Kushtetuese vlerësoi se në dy zonat, që vepron Protokolli për Migracionin, zbatohet e drejta shqiptare, përveç të drejtës italiane. Ajo konstatoi se e drejta ndërkombëtare e detyrueshme për Republikën e Shqipërisë, që lidhet me çështjet e migracionit dhe azilit është po ashtu e zbatueshme edhe nga autoritetet italiane për shkak të ratifikimit të marrëveshjeve ndërkombëtare edhe prej Republikës së Italisë. Nën këtë analizë, Gjykata nuk vuri në dyshim ekzistencën e përgjegjësisë së shtetit shqiptar për çështjet që rregullon Protokolli për Migracionin, e cila buron jo vetëm nga normat kushtetuese, por edhe nga e drejta ndërkombëtare që rregullon përgjegjësinë e shteteve në kuadër të zbatimit ekstraterritorial të saj. Në këtë pikëpamje, Gjykata Kushtetuese konstatoi se për të drejtat dhe liritë e njeriut vepron një juridiksion i dyfishtë, që do të thotë juridiksioni italian në dy zonat në fjalë nuk përjashton juridiksionin shqiptar" thuhet në shpjegimin e dhënë nga Kushtetuesja. Për pasojë kushtetuesja ka vendosur se qeveria nuk kishte as nevojë që të merrte plotfuqinë nga presidenti dhe se Edi Rama ishtë në të drejtën e tij të plotë ti bënte veprimet krejtësisht pa transparencë. Lidhur me këtë vendim ish ministri i drejtësisë Ylli Manjani ka reaguar në Facebook: "Asnjëherë nuk kemi patur ndonjëherë një gjykatë të tillë, që të vërë në debat integritetin territorial të shtetit. 5 anëtarë të saj kanë vendosur që të lejojnë një copë territor të Republikës ta lerë nën administrim një qeverie të huaj. Në atë copë territor në Shëngjin dhe Gjadër do veprojnë ligjet e Republikës së Italisë. Republika e Shqipërisë vetëm mbledh ujrat e zeza" shkroi ai. Ndërsa pas shpalljes së vendimit një grup pjestarësh të shoqërisë civile vendosën një kurrorë simbolike për të dekretuar vdekjen e saj, përpara derës së këtij institucioni.

©Lapsi.al

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

16°c

KËMBIMI EURO

91.10

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI