Dinamo fiton atëherë kur u duk se e kishte hedhur në kosh suksesin, duke lejuar kthimin e Kukësit me dy gola në minutat e fundit. E pra, Nëndetsja rrëmbeu 3-2 final me një gol të kapitenit Hoxha në minutën e gjashtë shtesë. Tre pikë të çmuara për Mehmetin, në javën e 21 të Superiores. Fitore që e projekton drejt luftës për një vend në Final Four. Kukësi mbetet në telashe, në zonën e rënies nga kategoria.
Dinamo pati startin ideal të ndeshjes, duk goditur Kukësin dy herë në dy minuta. Lorenco Vila në minutën e 11′ kaloi kryeqytetasit në avantazh. Një gol me peshë i anësorit, që goditi moralin e veri lindorëve, që pësuan të dytin nga Denison në minutën e 13′. Një njësh-dysh fatal për Kukësin, që nuk arriti të marrë veten, para se ta shihtye veten nën dy gola disavantazh.
FINALE ELEKTRIZUESE
Nica kërkoi shtyrjen e të tijve në pjesën e dytë, por Dinamo u kujdes të administrove rezultatit. U duk se ndoshta nuk do të ishte e vështirë ta bënte, me prapavijën e Mehmetit që nuk po kalonte rreziqe të mëdha, edhe pse Alves e Salami tentuan të bënin keq. Por Kukësi, sidoqoftë, iu përgjigj me të njëjtën monedhë ndaj bluve, duke shënuar edhe ata dy gola në dy minuta. Rivas në minutën e 84' ngushtoi diferencën e, përpara se Mehmeti të ndërhynte për të marrë masat, Jongo realizoi në të 86' një 2-2 të bujshëm.
Lexo më tej: 10 pikë para të gjithëve, Tetova kujtohet për skemën: "Egnatias i djeg"
Finalja e ndeshjes është ajo për ata me zemër të fortë, sepse nuk ka përfunduar ende. E pas barazimit blitc të Kukësit, Dinamo rrëmben fitoren në minutën e gjashtë shtesë. Kapiteni Hoxha shënoi golin që vlejnë tre pikët, duke përfituar nga një dalje e gabuar e Tafas, në zhvillimet e një goditje këndi. Mehmeti e sheh veten tani në -2 nga Final Four. 28 pikë për Dinamon, që mban në telashe Kukësin, ende i parafundit me 19 pikë, gjashtë larg zonës së shpëtimit.
[video width="576" height="306" mp4="https://cdnimpuls.com/lapsi.al/wp-content/uploads/2024/01/m2-res_456p.mp4"][/video]
