Një imazh mahnitës i një ariu polar që shkon për të fjetur në një ajsberg, e fotografes amatore britanike Nima Sarikhani ka fituar çmimin e zgjedhur nga njerëzit për “Fotografinë e jetës së egër të vitit”.
"Imazhi befasues dhe prekës i Sarikhani na lejon të shohim bukurinë dhe brishtësinë e planetit tonë. Imazhi i tij provokues është një kujtesë e fortë e lidhjes integrale midis një kafshe dhe habitatit të saj dhe shërben si një paraqitje vizuale e ndikimeve të dëmshme të ngrohjes së klimës dhe humbjes së habitatit" - tha drejtori i Muzeut të Historisë Natyrore Dr Douglas Gurr.
Sarikhani e realizoi foton pas 3 ditësh duke kërkuar për arinj polarë përmes mjegullës së dendur jashtë arkipelagut Svalbard të Norvegjisë. Adhuruesit e fotografive të kafshëve të egra dhe natyrës nga e gjithë bota u ftuan të votojnë nga një listë e shkurtër prej 25 imazhesh.
Edhe 4 finalistë të tjerë morën mjaft komente pozitove.
Breshka e lumtur, nga Tzahi Finkelstein
Tzahi Finkelstein ishte fshehur duke fotografuar zogj në një breg, kur vuri re një breshkë pellgu ballkanik duke ecur në ujin e cekët. Një pilivesë u ul papritur në hundën e breshkës.
Murmurimi i zogjve, nga Daniel Dencescu
Daniel Dencescu kaloi orë të tëra duke ndjekur zogjtë rreth qytetit dhe periferive të Romës në Itali. Në fund, në një ditë dimri pa re, murmuritja u rrotullua në formën e një zogu gjigant.
Prindërimi i përbashkët, nga Mark Boyd
Dy luanesha kishin shkuar për gjueti, duke lënë 5 këlyshët të fshehur gjatë natës në shkurre të dendura, në Maasai Mara Mara të Kenias. Pas kthimit nga misioni i tyre i pasuksesshëm, ato i thirrën këlyshët në livadhin e hapur dhe filluan të kujdeseshin.
Aurora Jellies, nga Audun Rikardsen
Duke strehuar pajisjet e tij në një strehë të papërshkueshme nga uji të bërë vetë, Audun Rikardsen përdori sistemin e tij për rregullimin e fokusit dhe hapjes gjatë një ekspozimi të vetëm, kur një kandil deti i hënës vërshonte në ujërat e freskëta vjeshtore të një fjordi jashtë Tromsø, në Norvegjinë veriore, të ndriçuar nga aurora borealis.
5 imazhet do të shfaqen në internet dhe në Muzeun e Historisë Natyrore të Londrës deri më 30 qershor. Të gjitha fotot janë me të drejtë autoriale, “Fotografi i Vitit për jetën e egër”. ©BBC, LAPSI.al
