Djali i monarkut dhe trashëgimtari i fronit u shfaq në kështjellën Windsor të mërkurën, ku ai mori pjesë në një ceremoni investimi.
“Duke nderuar njerëz të mrekullueshëm që bëjnë gjëra të jashtëzakonshme në komunitetet tona”, lexohej në një postim në llogarinë zyrtare në Instagram të tij dhe Kate Middleton duke iu referuar rastit të veçantë.
Paraqitja e babait të tre fëmijëve vjen dy ditë pasi Pallati Buckingham njoftoi se Mbreti Charles është diagnostikuar me kancer dhe ka filluar trajtimin duke shtyrë "detyrat ". Megjithatë, lloji dhe faza e kancerit që ai ka nuk është bërë e ditur.
“Ai mbetet plotësisht pozitiv në lidhje me trajtimin e tij dhe pret që të kthehet në detyrën e plotë publike sa më shpejt të jetë e mundur”, thuhet në deklaratën e pallatit.
