Krimi Ekonomik i Tiranës ka zbardhur një skemë të madhe mashtrimi, duke arrestuar një 38-vjeçar nga Durrësi, i cili punonte në një bankë të nivelit të dytë.
Lorin Xhelilaj, sipas policisë, kishte mundur t’i zhvaste 215 mijë euro 26-vjeçarit Denis Buzali.
Punonjësi i bankës i kishte premtuar atij se do t’i siguronte një pasaporte bullgare si dhe investim në një kompani private në Turqi.
Gjatë kontrollit të banesës u gjet një shumë prej 108600 euro.
Lorin Xhelilaj akuzohet për mashtrim me pasoja të rënda, falsifikim dokumentesh si dhe pastrim i produkteve të veprës penale.
