Egnatia ndalon ecurinë e saj në krye të kampionatit, të bllokuar në një barazim pa gola përballë Laçit. Skuadra e Tetovës merr vetëm një pikë për të dytën ndeshje radhazi, por nëse në shtëpinë e Partizanit kishte shije fitore, në Arena Egnatia me kurbinasit nuk është entuziazmuese. Në Rrogozhinë, në javën e 23 të Superiores episodi vendimtar ishte penalltia e humbur nga Spahiu. Ish-futbollisti i Laçit e pati të pamundur t'i bënte dëm të kaluarës.
Për të ushtruar më shumë presion mbi të gjithë ndjekësit, Egnatia kërkonte fitoren. Në të njëjtën kohë, të besuarit e Josës kërkonin pikë, mundësisht fitoren, për tu afruar me zonën Final Four. Lojta e bardhezinjve, agresive dhe e shpejtë, befasoi rrogozhinasit që nuk po arrinin të organizoheshin. Në fakt, mundësitë më të mira në pjesën e parë ishin për Laçin. Prodani në minutën e 12' dhe Qato në të 28' krijuan panik, sidomos në rastin e fundit, kur shtylla i erdhi në ndihmë Sherrit.
Në pjesën e dytë, Egnatia ishte më e vendosur dhe u pa në fushë sjellja ndryshe. Rrogozhinasit e shtynë lojën përpara, duke e detyruar Laçin të kujdesej më shumë për tu mbrojtur. Momenti më i rëndësishëm ishte penalltia e minutës së 63', akorduar për një ndërhyrje të gabuar të Dajkos ndaj Montenegro. Nga pika e bardhë, Spahiu u hipnotizua nga Dajsinani, duke lënë shifrat në 0-0.
Egnatia vazhdon të mbajë vendin e parë me 48 pikë, por Partizani mund të afrohet në -8 nëse fiton derbin me Dinamon. Laçi mbetet në vendin e gjashtë me 28 pikë, por Final Four rrezikon të duket edhe më larg.
