Bëri, ç'bëri edhe Erjon Veliaj ia doli të kapë një foto me Entoni Blinken. Entuziasmin e tij, kryetari i bashkisë që këto ditë është nën ethet e kontrolleve të oficerëve të BKH, e shprehu në një status në rrjetet sociale.
"Kënaqësi të bisedoja me Sekretarin Anthony Blinken e t'i tregoja investimin më të madh të përbashkët shqiptaro-amerikan në kryeqytet, Piramidën e Tiranës. Dje një simbol i izolimit e të shkuarës, sot një simbol i teknologjisë e të ardhmes" shkruan Erjon Veliaj.
Për Veliajn, një foto me sekretarin e shtetit është pa dyshim një arritje. Dihet se për foto si kto me presidentët amerikanë, si Rama, ashtu edhe Basha kanë rrezikuar shumë.
