Nga nesër, e premte 16 shkurt, çdo moment mund të jetë momenti i duhur për dëgjesën e Paul Pogba para Gjykatës Kombëtare Anti-Doping. Avokatët e mesfushorit francez kishin marrë shtyrjen e kërkuar nga 18 janari, për të përgatitur mbrojtjen. Lojtari i Juventus rezultoi pozitiv me Dhea, ose pentadehydroepiandrosterone, që është një hormon pararendës i testosteronit. Ndërkohë, nga Pogba, ka humbur çdo gjurmë dhe aktiviteti i tij në rrjetet sociale është ndalur prej disa javësh.
Menaxherja e tij Rafaela Pimenta hodhi dritë mbi situatën e francezit në një intervistë me Cronache di Spogliatoio. "Pogba mund të kthehet në fushë nesër. Ai është gati për çdo situatë, ai është një kampion edhe mendërisht. Ai merr një goditje, e tret dhe vazhdon përpara. Nuk ka ecur përpara në mënyrë të papërgjegjshme. Stërvitet duke e ditur se duhet të jetë gati. Nganjëherë i them: do të bëjmë diçka tjetër? E ai nervozohet, më përgjigjet: 'Rafa! Duhet të stërvitem. Nuk e ke kuptuar: duhet të luaj, duhet të fitoj e duhet të përfundoj rrugëtimin që kam nisur. Nëse duhet të luante nesër, mund të futet në fushë e të luajë. Natyrisht është një moment i vështirë e duhet superuar", ka thënë ai.
Lexo më tej: Pogba, dorë e rëndë e prokurorisë: kërkohen katër vjet skualifikim për francezin
Me pak fjalë, pavarësisht se është gati 31 vjeç dhe mundësia e një skualifikimi të gjatë është evidente, Pogba duket se synon të mos e mbyllë karrierën e tij në këtë mënyrë. Megjithatë, është e vështirë të kuptohet nëse ai do ta bëjë këtë me fanellën e Juventus apo jo.
