Ish-i dashuri i Taylor Swift, Joe Alwyn, suprizoi ndjekësit të hënën mbrëma, kur postoi një seri fotosh të papara më parë, gati një vit pas ndarjes së tyre.
Aktori, i cili mbush 33 vjeç më 21 shkurt, nuk kishte postuar asnjë foto në profilin e tij në Instagram që nga shtatori 2023. Imazhi i parë paraqet Alwyn duke bërë një selfie në pasqyrë me një kamerë filmi. Imazhet e tjera përfshijnë britanikun duke pirë me miqtë, fotografi të oqeanit, një kazino dhe një peizazh në Los Anxhelos.
Ai ka qenë beqar që kur ndarja me Taylor u zyrtarizua në pranverën e vitit 2023, pas gjashtë vitesh së bashku. Dhe mund të bëhen publike më shumë detaje rreth marrëdhënies së tyre në projektin e ri muzikor të saj.
Alwyn më parë zbuloi se është pjesë e një bisede në grup në WhatsApp të quajtur 'The Tortured Man Club'.Duke pasur parasysh që albumi i ri i Swift titullohet "Departamenti i poetëve të torturuar", do të bënte që shumë njerëz të supozonin se mund të ishte një album tjetër për një nga ish-partnerët e saj.
Lista e këngëve për albumin e 11-të në studio të fitueses së 14 herë Grammy, i vendosur për t'u publikuar më 19 prill, përfshin madje një këngë të quajtur 'So Long, London', e cila jep një referencë të qartë për kohën e saj të kaluar me Alwyn në kryeqytetin anglez./Lapsi.al
