Partia Socialiste ka tërhequr projektligjin për Amnistinë Penale nga seanca e sotme që do të mbahet në Kuvend pas disa minutash.
Sipas burimeve për mediat, arsyeja e tërheqjes nga seanca plenare është mossigurimi i 84 votave që nevojiten për të kaluar projektligjin. Deputetët e opozitës e kanë shprehur që nuk do të votonin pro, ndërsa ditën e djeshme edhe kryetari i PD-së së vulës, Lulzim Basha tha se nuk do ta votojë projektligjin.
Ndërkohë një tjetër votim pritet të bëhet sot në seancën plenare, ajo e marrëveshjes me Italinë për emigrantët. Nga ana tjetër deputetët e opozitës kanë lajmëruar se do të vijojnë me aksionin opozitar duke penguar kështu zhvillimin e seancës plenare.
