Një shpërthim ka ndodhur orët e para të mëngjesit në Shkodër. Mësohet se lënda plasëse i është vendosur një makine të parkuar pranë teatrit ‘Migjeni’ në Shkodër.
Shpërthimi ka ndodhur rreth orës 04:20 të mëngjesit të sotëm. Policia ka rrethuar menjëherë zonën, ndërsa mësohet se një shishe me benzinë molotov i është hedhur një makine tip ‘Audi’ të bardhë.
Grupi hetimor po punon për zbardhjen e ngjarjes. Deri më tani nuk ka asnjë gjurmë të autorit/ëve, ndërsa policia do këqyre edhe kamerat e sigurisë në zonë që mund të ndihmojnë në identifikimin dhe kapjen e tyre, pasi mjeti ka qenë i parkuar në një zonë të frekuentuar të qytetit të Shkodrës, ku shumë biznese janë të pajisura me kamera sigurie.
[video width="1280" height="720" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-23-at-08.12.01.mp4"][/video]
