Alessandra Todde u zgjodh presidente e Sardenjës në zgjedhjet rajonale të mbajtura të dielën e 25 shkurtit. Rezultati përfundimtar u shpëll këtë të martë dhe ishte mjaft interesant pasi kandidatja e qendrës së majtë mposhti me shumë pak vota kundërshtarin e saj Paolo Truzzu që kishte mbështetjen e qendrës së djathtë në pushtet. Todde ishte propozuar nga PD-M5s, por e mbështetën 10 lista duke u bërë presidentja e parë femër e Sardenjës dhe eksponentja e parë e “Lëvizjes 5 Yje” në krye të një rajoni. Todde mori 45.4% të votave ndërsa Truzu u ndal në 45% të votave. Reagoi menjëherë kryeministrja Meloni.
“Më keni ftuar në ditën që kam humbur zgjedhjet në Sardenjë, po mbaj Kreshmë dhe hallet nuk mund t'i shuaj me alkool. Pra nuk është dita më e mirë për të pasur simpati dhe lumturi nga unë. Shkoi kështu siç shkoi” – u tha me buzëqeshje kryeministrja Giorgia Meloni korrespondentëve të shtypit të huaj në një takim në Romë. “Koha është ajo që u ka munguar qeverive italiane. Këtij kombi i duhet stabilitet, për t'u dhënë përparësi investimeve, për të pasur një strategji, për të qeverisur fuqitë ekonomike” – tha më tej Meloni. ©LAPSI.al
