Një vjedhje trondit përgatitjet për Lojërat Olimpike Verore në Paris. Në një tren që nisej nga stacioni i mirënjohur Gare du Nord, u vodh një valixhe që i përkiste një punonjësi të Bashkisë së Parisit.
Nuk duket e rëndë, por në valixhe kishte një PC dhe dy çelësa USB në lidhje me ngjarjen e planifikuar për verën e ardhshme midis korrikut dhe gushtit. Më saktësisht, pajisjet përmbanin informacione të vlefshme sensitive në lidhje me planet e sigurisë së Bashkisë së Parisit për Lojërat Olimpike. Me pak fjalë, të dhëna që vetëm të papërfillshme nuk janë.
Njeriu në fjalë, saktësisht një inxhinier 56-vjeçar, ka bërë denoncimin të hënën e kaluar, më 26 shkurt. Hetimi filloi menjëherë dhe kamerat e vëzhgimit me video në oborrin e hekurudhës gjithashtu do të thonë shumë.
