Këtë të shtunë po zhvillon zgjedhjet për kreun e Komunitetit Mysliman të Shqipërisë. Votimi po mbahet në ambientet e Medresesë së Tiranës.
Ndërsa kandidatë janë kryetari aktual Bujar Spahiu, i cili po kandidon sërish pas përfundimit të mandatit 5-vjeçar, Eduard Shefki, Administrator i myftinisë së Durrësit si dhe Emirjon Vathaj, Myfti i Beratit. Sakaq, janë 97 anëtarë të komunitetit që pritet të votojnë për këtë post.
Paralalelisht me zgjedhjet po zhvillohet një tubim, ku një pjese e besimtarëve myslimanë në këtë mënyrë i kontenstojnë zgjedhjet. Gazetarja Ema Shazivari raporton se ata akuzojnë komunitetin Mysliman, që është kapur nga Shoqata Gyleniste, që ata po e kundërshtojnë. Ndërkohë mbajnë në duar pankarta me thirrje për pakënaqësi. Ky tubim është njoftuar edhe më herët, duke njoftuar edhe policinë e shtetit të marrë masa.
Dy javë më parë, kryeministri Edi Rama ishte në Ankara për një takim me presidentin turk Erdogan. Gjatë konferencës së përbashkët, Erdogan përsëriti kërkesën ndaj Shqipërisë për largimin e anëtarëve të organizatës FETO, të ashtuquajturit gylenistë, që sipas Turqisë janë në krye të Komunitetit Mysliman. Pikërisht për këtë arsye, Turqia mban peng xhaminë në qendër të Tiranës që ka përfunduar por ende nuk është dorëzuar për komunitetin.
