Telashe të reja për Mohammed Ben Sulayem. Presidenti i FIA-s, sipas asaj që raporton BBC, u tha zyrtarëve që të mos çertifikojnë cirkuitin e Las Vegas për garën e vitit të kaluar. Pretendimi vjen nga i njëjti sinjalizues që akuzoi Ben Sulayem se u kishte thënë komisarëve të garës që të anulonin një penalitet ndaj Fernando Alonso në GP e Arabisë Saudite në vitin 2023. Informatori afirmon se iu tha "me urdhër të presidentit të FIA" për të gjetur një mënyrë që të mos autorizonte sigurinë e cirkuitit për garën. Pretendimi gjendet në një raport nga përgjegjësi i konformitetit të FIA-s për komitetin e saj të etikës, një raport që BBC thotë se e ka vizionuar.
PROTOKOLLI I FIA
Një zëdhënës i FIA tha: “Nga perspektiva sportive dhe e sigurisë, miratimi i cirkuitit të Las Vegas ndoqi protokollin e FIA-s për sa i përket inspektimit dhe certifikimit”. Raporti citon informatorin të ketë thënë se ishte kontaktuar nga personi i tij i kontaktit, “i cili sipas urdhrave të presidentit të FIA-s e udhëzoi atë që të gjente disa elementë shqetësues për të parandaluar që FIA të certifikonte cirkuitin para fundjavës së garës”.
RAPORTI I KONFORMITETIT
Raporti i konformitetit citon deklaratën e informatorit se "qëllimi ishte gjetja e të metave në pistë për të tërhequr licencën". Ai shtoi: "Kërkesës për të qenë më specifik, [informatori] deklaroi se problemet në cirkuit duhej të identifikoheshin artificialisht pavarësisht nga ekzistenca e tyre efektive, me qëllimin përfundimtar për t'i mohuar licencën". Informatori tha se kishte caktuar një zyrtar për të kryer këtë detyrë dhe përmendi dy zyrtarë të tjerë që ndodheshin në dhomë në atë moment.
ASNJË PROBLEM
Raporti shtoi se zyrtarët "nuk ishin në gjendje të gjenin ndonjë problem me cirkuitin dhe për këtë arsye certifikuan cirkuitin të përshtatshëm për gara". BBC thotë se ka mësuar se zyrtarët e tjerë të pranishëm në atë kohë kanë një kujtim të ndryshëm të ngjarjeve nga informatori. Është e paqartë përse Ben Sulayem donte që zyrtarët e FIA të refuzonin të certifikonin pistën e Las Vegas.
