Protesta e opozitës për komisionet hetimore vazhdon të ndëshkohet nga Partia Socialiste. Pas seancës së fundit në parlament, kur deputetët e opozitës vazhduan të bëjnë zhurmë, është vendosur përjashtimi i tre prej tyre.
:Sekretariati i Etikës pasi shqyrtoi kërkesën e Grupit Parlamentar të Partisë Socialiste, vendosi përjashtimin e deputetit Flamur Noka me 30 ditë, përjashtimin me 20 ditë të deputetit Bledjon Nallbani dhe përjashtimin me 5 ditë të deputetit Saimir Korreshi" thuhet në një njoftim të parlamentit.
Seanca e fundit në parlament zgjati vetëm 7 minuta. Pavarësisht kaosit që kanë provokuar deputetët e opozitës, socialistët vazhdojnë të refuzojnë transparencën përmes komisioneve hetimore për aferat e korrupsionit.
