Një aksident është regjistruar mëngjesin e sotëm në Delvinë. Një automjet ka aksidentuar punonjësen e pastrim-gjelbërimit në bashki, në orët e para të mëngjesit. Sh. H., 58 vjeç u transportua në gjendje të rëndë në urgjencën e Sarandës, por nuk arriti që t'i mbijetojë plagëve të marra, pasi kishte pësuar dëmtime të mëdha në kokë dhe në këmbë.
Burime bëjnë me dije se 58-vjeçarja u godit nga makina sapo kishte dalë nga banesa e saj. Ndërkohë është shoqëruar në polici shoferi me iniciale M. R. 30 vjeç.
