Pas takimit të përbashkët qeveri – bashki mes kryeministrit Rama dhe kryebashkiakëve të vendit, kreu i ministrave u shpreh se Reforma Territoriale kërkon një fazë të dytë. Sipas tij, bashkitë duhet të reduktohen, por për t’u bërë kjo Rama pranoi se duhet konsensus me pakicën.
“Reforma territoriale do më pak bashki. Kjo kërkon konsensus me një pjesë të pakicës por ky është një debat vetëm harxhim kohe. Është e sigurt se nëse bashki të caktuara nëse bashkohen me një tjetër, mund të prodhojnë më shumë ekonomi, rezultat. Për shërbimet janë të qarta sesi do të jetë e ardhmja e tyre. Shqipërisë i duhen më pak bashki dhe më shumë kualitet në administrimin vendor”, tha Rama.
